Иран излезе со објаснување зошто милиони луѓе се „во темница“ 74 дена.


Иранската влада објави дека пристапот до интернет ќе биде вратен во нормала по завршувањето на војната со САД и Израел.

Портпаролката на иранската влада, Фатемех Мохаџерани, изјави дека властите го сметаат интернетот за дел од основна инфраструктура и граѓанско право, со порака дека се спротивставуваат на дискриминацијата во пристапот до мрежата, објави Ал Џезира.

Од почетокот на војната на 28 февруари, милиони луѓе во Иран наводно се соочиле со речиси целосен прекин на интернетот во траење од 74 дена, со ограничен пристап на одобрени владини веб-страници.

Владата не даде точен временски рок за укинување на ограничувањата, но рече дека мрежата ќе се врати во „нормални услови“ откако ќе се стабилизира ситуацијата.