пред 10 часа Ромелу Лукаку конечно го напушти Наполи и оваа недела официјално ќе го засили Фенербахче.
Сагата околу заминувањето на Лукаку траеше долго време, откако тој се судри со Антонио Конте и раководството на клубот предводено од Аурелио Де Лаурентис во текот на изминатата сезона.
Белгиецот исто така одби да се врати по репрезентативната пауза, под изговор дека останал во Белгија за да се опорави, што само го влоши неговиот статус.
Лукаку влезе во последната година од договорот со Наполи, а поради неговиот статус, мораше да ја прифати понудата на Фенербахче од само 6.000.000 евра и одредени бонуси.
Лукаку има 33 години, промени голем број клубови, играјќи за Андерлехт, Челзи, ВБА, Евертон, Манчестер Јунајтед, Интер, Рома и на крај за Наполи.
Тој остави најдлабока трага во Италија бидејќи освои две Скудета, со Интер во 2021 година, а потоа минатата сезона со Наполи.
Depositphotos
