(Видео) Големо невреме во Шпанија, еден загинат; летовите се откажани

Едно лице загина во силното невреме што ги зафати областите околу Барселона и Валенсија на шпанското средоземноморско крајбрежје, предизвикувајќи поплави и прекини во сообраќајот.

Според извештаите на пожарникарите, еден маж бил однесен од водата заедно со својот автомобил додека се обидувал да помине преку поток, кој вообичаено е мал, во близина на Оливеља, југозападно од Барселона.

Heavy rain and flash flooding hit Valencia and the Barcelona area on Wednesday night, prompting emergency alerts, road closures and disruption to metro, rail and airport operations.

In Valencia province, downpours of 80–100 mm in under two hours flooded streets in Torrent, Chiva, l’Eliana and parts of the city.

The metro was suspended, Valencia airport closed for about an hour with flights diverted, and authorities issued an ES-Alert warning residents to stay away from ravines — including the Barranco del Poyo, the same waterway that overflowed in the 2024 disaster. No fatalities have been reported so far.

South of Barcelona, similar storms triggered a red weather warning and an ES-Alert. Roads and metro lines were affected, flights were cancelled at El Prat, and a hospital basement flooded. One man died after being swept away in a ravine in Olivella (Garraf).

The episode comes nearly two years after the October 2024 floods that killed more than 220 people in the Valencia region.

— Vitamvivere (@Vitamvivere) September 17, 2026

Спасувачките екипи го пронашле неговото тело неколку часа подоцна. Шпанскиот весник „Ла Вангардија“ објави дека жртвата била британски државјанин кој живеел во таа област.

Во средата, во областа на Барселона за само неколку часа наврнаа и до 80 литри дожд на квадратен метар. Уште пообилни врнежи ја погодија Валенсија и околните подрачја, каде што беа регистрирани и до 100 литри дожд на квадратен метар.

Беа откажани летови, а локалниот сообраќај беше попречен и во Барселона и во Валенсија. Патиштата во североисточна Шпанија се претворија во буици, а беа поплавени и подруми.

Налетите на ветерот достигнаа брзина и до 100 километри на час, корнејќи бројни дрвја. Поради невремето беше откажан и фудбалски натпревар од првата лига. Исто така, поплавени беа патишта во регионот Мурсија. Во октомври 2024 година, регионот Валенсија беше погоден од едни од најтешките поплави во шпанската историја, во кои загинаа најмалку 229 лица, а беше причинета штета во вредност од милијарди евра.

Шпанската национална метеоролошка агенција, AEMET, предупреди дека затоплувањето на Средоземното Море – поврзано со климатските промени – би можело да доведе до почести појави на екстремни врнежи.

Текстот (Видео) Големо невреме во Шпанија, еден загинат; летовите се откажани е превземен од МАКФАКС.