(Видео) Трамп направи болна гримаса пред кинескиот претседател додека воени авиони прелетуваа над нив

Американскиот претседател Доналд Трамп се тргна наназад и направи болна гримаса додека воен авион прелетуваше над пистата за време на свечениот пречек на кинескиот претседател Ши Џинпинг во воената база „Ендрјус“ синоќа.

Трамп и првата дама Меланија Трамп ги пречекаа Ши и неговата сопруга, Пенг Лијуан, кои пристигнаа во Вашингтон за тридневна државна посета. Програмата на посетата вклучува воен преглед на почесната стража, свечена вечера и низа билатерални средби и разговори.

За Ши беше поставен црвен тепих веднаш штом тој излезе од авионот; излегувањето беше кратко одложено додека работниците на пистата го местеа тепихот – под будното око на кинеските претставници кои гледаа низ прозорците на авионот – пред да започне официјалната церемонија во базата.

Trump winces during loud military flyover as Xi shows no reaction https://t.co/NbO2IG8BEC

— Molly Ploofkins (@Mollyploofkins) September 23, 2026

Прелет на стратешки бомбардер Б-1
Свечениот пречек вклучуваше настап на оркестарот на Военото воздухопловство, изведба на американската и кинеската химна и почесен артилериски поздрав, проследени со прелет на два стратешки бомбардери Б-1 на мала висина.

Токму кога авионите со силен татнеж прелетаа директно над нив, 80-годишниот Трамп се тргна наназад и направи гримаса, видливо реагирајќи на заглушувачката бучава. За разлика од него, 73-годишниот Ши Џинпинг не покажа никаква реакција на прелетот и остана целосно прибран.

Двајцата лидери потоа разговараа неколку минути на пистата, по што се упатија кон Вашингтон во одделни колони возила за да ја продолжат официјалната програма во четврток.

Текстот (Видео) Трамп направи болна гримаса пред кинескиот претседател додека воени авиони прелетуваа над нив е превземен од МАКФАКС.