Новиот оперативен систем на Xiaomi, HyperOS 4, ќе понуди подлабока интеграција со моделите на iPhone.


Најновите можности се навистина импресивни – сопствениците на телефони од Xiaomi ќе можат да споделуваат фотографии, датотеки, контакти и веб-страници со уредите на iPhone.

Уште подобро, HyperOS 4 ќе им овозможи на корисниците да прегледуваат албуми од cloud-фотографии на двата телефона.

Благодарение на двонасочната синхронизација, поддржани се и известувања во реално време, како и моментални одговори на пораки помеѓу двата екосистема, пренесува GSMArena.

Сопствениците на Mac и iPad дури ќе можат да управуваат со своите телефони од Xiaomi преку поголемиот екран, користејќи ја апликацијата Mi Connect Desktop.

Овие функции се дел од најновиот HyperOS 4, кој дебитираше на моделот Xiaomi 18 Pro Max, а се очекува да стане пошироко достапен од 15 октомври.

Постојат неколку услови за користење на овие функции помеѓу различните системи. Корисниците ќе треба да ја имаат апликацијата на Xiaomi за поврзување и заедничка сметка на Xiaomi.