(Видео) Објавени нови снимки од падот на воен хеликоптер во близина на Брчко

Хеликоптер „CH-47 Chinook“, кој припаѓа на италијанскиот контингент на ЕУФОР, вчера се урна во селото Горице, во близина на Брчко. Четири лица загинаа, а 11 се повредени. Објавени се нови снимки од несреќата.

На снимките се гледа како хеликоптерот лета на мала височина, неколку пати се врти во воздухот, а потоа паѓа на земја.

Во леталото имало 15 лица. Три лица загинале на самото место, а четвртото лице подоцна им подлегнало на повредите во болница. Меѓу загинатите се Симоне Руџија и Клаудио Маркези, припадници на италијанските вооружени сили, како и Франко Адријано Зекило и Лаура Прокачи, припадници на Доброволниот воен корпус на Италијанскиот црвен крст.

Според ЕУФОР, сите 11 повредени лица се во стабилна состојба. Деветмина се на лекување во Брчко, додека двајца се пренесени во болница во Тузла.

#Gorice BiH EUFOR Helicopter crashed https://t.co/zt4iB5owj7

— Archangel (@MikiKey1000) October 29, 2026

Хеликоптерот се урна за време на рутинска вежба за обука. Падна во ненаселена област, во близина на неколку куќи. Немаше цивилни жртви, ниту пак беше причинета штета на цивилната инфраструктура, имотот или возилата.

Текстот (Видео) Објавени нови снимки од падот на воен хеликоптер во близина на Брчко е превземен од МАКФАКС.