(Видео) Пукање во близина на Белата куќа: eдно лице загина, најмалку четворица се повредени, напаѓачот се забарикадирал

Едно лице загина, а најмалку четворица се повредени во пукање на повеќе локации во населбата Логан Серкл во Вашингтон, на околу километар и половина од Белата куќа. Полицијата почна голема операција, а според последните информации, напаѓачот се забарикадирал во зграда во близина на фитнес-центар, пренесуваат американските медиуми.

Според „Ен-би-си њуз“, кој се повикува на двајца високи полициски службеници запознаени со случајот, осомничениот се забарикадирал во објект во близина на Логан Серкл, а полициската интервенција сè уште трае.

Вашингтонската полиција издаде итно предупредување до граѓаните да го избегнуваат подрачјето околу раскрсницата на 15. улица и улицата П, во северозападниот дел на градот.

The ACTIVE SHOOTER in Washington DC has barricaded himself inside of an apartment on the seventh floor on the 1500 block of 15th Street NW, where a BARRICADE has been officially declared by MPD’s ERT.

Several shots have just been fired AT POLICE through the door, causing SWAT officers to have to temporarily retreat and reposition themselves.

The shooter had also been walking around intentionally setting fires across several different locations along Church Street NW and 15th Street NW.

DC Police have put a lookout for a ‘White male, heavy built, wearing gray shorts with a gray and black gun.’

US Secret Service are also investigating the report of shots fired near 12th Street and R Street NW, however that is unfounded so far. https://t.co/xHDpAUA2fW

— The DC MD VA Live (@TheDMVLive) November 12, 2026

Околните улици се блокирани, а блиските училишта се затворени и обезбедени додека трае полициската операција. Во интервенцијата учествуваат и агенти на федералното Биро за алкохол, тутун, огнено оружје и експлозиви (ATF).

Жител на блиска зграда, Рајан Дубицки, раскажал дека околу осум часот наутро по локално време слушнал приближно пет силни истрели.

„Беа прилично временски оддалечени, па помислив дека станува збор за градежни работи“, изјавил тој.

Набргу потоа, како што раскажал, насекаде имало полицајци, а управата на неговата зграда испратила предупредување до станарите за можен вооружен напаѓач.

Портпаролката на полицијата, Никол Динер, потврдила дека инцидентот опфаќа пошироко подрачје, но дека точните локации на пукањето сè уште се утврдуваат.

На социјалните мрежи се појавија и информации дека напаѓачот пукал кон полицајци и предизвикал пожари на повеќе локации, но овие тврдења засега не се независно потврдени.

Текстот (Видео) Пукање во близина на Белата куќа: eдно лице загина, најмалку четворица се повредени, напаѓачот се забарикадирал е превземен од МАКФАКС.