(Видео) Зеленски: Ограничувањата на „Старлинк“ им помагаат на руските дронови да ја погодуваат Украина

Украинскиот претседател Володимир Зеленски тврди дека ограничувањата на системот „Старлинк“ за Украина им олеснуваат на руските сили да изведуваат напади, бидејќи украинските дронови-пресретнувачи ја губат врската со операторите кога се движат со поголема брзина.

„Многу од руските напади успеваат затоа што сè уште се во сила ограничувањата на брзината на работа на терминалите „Старлинк“ долж линијата на фронтот и на привремено окупираните територии. Нашите дронови-пресретнувачи ја губат врската со операторите при брзина од 161 километар на час и едноставно не можат да ги стигнат руските „Шахед“ дронови со млазен погон“, напиша Зеленски на платформата Икс.

Тој изрази очекување дека ограничувањата ќе бидат укинати, нагласувајќи дека од тоа директно зависи заштитата на човечките животи и енергетската инфраструктура на Украина пред зимата.

Зеленски соопшти дека на тимовите на министерствата за надворешни работи и за одбрана, како и на неговиот кабинет, им наложил да ја интензивираат соработката со американската страна и компанијата „СпејсИкс“.

This past week alone, Russia has used more than 2,300 attack drones, 1,590 aerial bombs, and 15 missiles of various types against Ukraine. Brutal strikes that are difficult to counter. Overnight and into this morning, the Russians targeted energy infrastructure in Zaporizhzhia and the Sumy, Odesa, Zhytomyr, and Kirovohrad regions. Railway infrastructure in the Dnipro, Kharkiv, and Zaporizhzhia regions also came under attack. Russia also carried out strikes on the Donetsk and Kyiv regions. Sixteen people have been reported injured.

The Russians are targeting substations with “shaheds.” And many of these strikes are getting through because restrictions on the operating speed of Starshield terminals along the front line and in the temporarily occupied territories are still there. Our interceptor drones lose connection with their operators at a speed of 161 kilometers per hour (100 miles per hour) and simply cannot catch up with Russian jet-powered “shaheds.” We are counting on these restrictions being lifted. The protection of lives and Ukraine’s energy infrastructure ahead of winter directly depends on this. The teams of the Ministry of Foreign Affairs, the Ministry of Defense, and the Presidential Office have been instructed to work as closely as possible with the American side and SpaceX. It is important to be on the right side of history. It is essential to help Ukraine. Thank you to everyone who supports our defense.

— Volodymyr Zelenskyy / Володимир Зеленський (@ZelenskyyUa) November 15, 2026

„Важно е да се биде на вистинската страна на историјата. Неопходно е да ѝ се помогне на Украина“, порача украинскиот претседател.

Тој наведе дека само во изминатата недела Русија употребила повеќе од 2.300 нападни дронови, 1.590 воздушни бомби и 15 ракети од различни типови против Украина.

Според Зеленски, во текот на ноќта и утрото руските сили ја нападнале енергетската инфраструктура во Запорожје, како и во областите Суми, Одеса, Житомир и Кировоград. На удар била и железничката инфраструктура во областите Днипропетровск, Харков и Запорожје.

Напади биле извршени и врз Доњецката и Киевската област, а пријавено е дека 16 лица биле повредени. Зеленски додаде дека руските сили користат дронови од типот „Шахед“ за напади врз трафостаници.

Текстот (Видео) Зеленски: Ограничувањата на „Старлинк“ им помагаат на руските дронови да ја погодуваат Украина е превземен од МАКФАКС.