пред 4 години Од опозициската ВМРО-ДПМНЕ реагираат на одлуката на Регулаторната комисија за енергетика за промената на цените на нафтените деривати.
„Шверцерска одлука на РКЕ, на еден час пред полициски час бензините поскапени за 3 денари.Ова е второ покачување на цените на горивата оваа недела, откако на 5 април беа веќе еднаш покачени. Ова е 4 денари покачување за една недела. Ова е преседан и сигнализира дека власта незнае како да го полни буџетот па удира по народот. Партиската испостава на Заев, која го регулира енергетскиот пазар ги покачи цените на горивата во сред недела, на само еден час пред почеток на полициски час“, стои во писменото соопштение на ВМРО-ДПМНЕ.
Од таму забележуваат дека граѓаните брзаат кон бензинските каде се создаваат колони со возила.
„РКЕ на Заев во пандемија немилосрдно удира по џебот на граѓаните. По покачените акцизи, константното покачување на цените на горивата е уште еден начин за полнење на празниот буџет директно од сиромашните граѓани“, додаваат од ВМРО-ДПМНЕ.
Би можело да ве интересира
Ангеловска-Бежоска: Структурни реформи и поквалитетни инвестиции на извозниот сектор за отпорност на глобалните шокови
ВМРО-ДПМНЕ: Горивата ќе беа поевтини и до 25 денари, ако СДСМ не го одбиеше нашиот предлог
Пендаровски: Со исполнување на приоритетите на МКД2030 ќе создадеме услови за одржлив раст и развој
Новиот Peugeot 308 и премиум Focal HI-FI системот: Aкустична совршеност
ВМРО-ДПМНЕ: Од пиунот Ковачевски, народот глава го боли, поскапеа струјата, парното, метанот
Де Ланој: Народната банка правилно постапи со одземањето на дозволата на „Еуростандард банка“
