MINT Fintech Group го слави женското лидерство во Fintech индустријата на Меѓународниот ден на жената

По повод Меѓународниот ден на жената, MINT Fintech Group ги истакнa извонредните жени на оваа групација, кои се на раководни позиции и кои ги поттикнуваат иновациите и лидерството во нивните компании од групацијата.

„Ние го славиме секој ден од 365 денови во годината на признавањето на клучните придонеси на нашите женски лидери кои не само што ја унапредуваат Fintech индустријата , туку и се залагаат за родова еднаквост во деловниот свет, воопшто. Така што 8 март е само еден потсетник, за нашата определеност за родова еднаквост во сите денови од годината„-истакнуваат од групацијата.

MINT Fintech Group е еден од водечките играчи во секторите кои се посветени на финансиската технологија, осигурувањето, инвестициите и патувањата како најнов ресор на нивната работа, области во кои традиционално доминираат мажи. Но процентуалниот дел на застапеноста на жените во оваа групација, одамна не е дискусија, кај нив на раководни позиции се доминантно жени.

„Денес, на оваа историска дата со гордост ја истакнуваме различноста и единството на динамични жени кои ги водат компаниите под чадорот на MINT со неспоредлива визија, страст и упорност„ – додаваат во своето обраќање до медиумите.

Од пионерски решенија во новите технологии до издигнување на оваа групација до нови височини, жените во MINT Fintech Group се пример за примена на знаењето, што ги поттикнува трансформациите и напредокот, а нивната посветеност и неуморна работа го нагласуваат значењето на инклузивноста и застапеноста во доменот на оваа нова индустрија.

„Овој Меѓународен ден на жената, не само што ги славиме достигнувањата на жените во MINT Fintech Group, ние ја потврдуваме и нашата посветеност за поттикнување на средина каде што придонесите на жените се препознаваат, а нивното зајакнување е најважно во сите аспекти на бизнисот и технологијата“-истакнуваат од MINT.

Ова е листата на жени на лидерски позиции во MINT Fintech Group, кои не само што ја обликуваат иднината на финансиите, осигирувањето, инвестициите и патувањата, туку и помагаат во создавањето поправеден свет за сите:

– Христина Ивановиќ Блажевска, Оливера Јошевска, Елизабета Кочева Јосифовска, Елена Матеска, Фросина Аневска, Ирена Стојковска, Кристина Илиевска, Валдета Мусаи Фејзуловска, Олга Николовска, Ангела Тачовска, Даница Јанкуловска, Марта Иваноска, Маја Стојановска.

Нивните приказни за лидерство, иновации и влијание не само што ја водат MINT Fintech Group напред, туку служат и како инспирација за жените и девојките ширум светот кои се стремат да запловат во оваа нова иновативна индустрија.

ПР

Текстот MINT Fintech Group го слави женското лидерство во Fintech индустријата на Меѓународниот ден на жената е превземен од МАКФАКС.