пред 3 години Коалицијата Алијансата за Албанците и Алтернатива соопшти дека ја поздравуваат одлуката на претседателот Стево Пендаровски да го врати во Собрание законот со кој македонската влада и опозиција се обидоа да прошверцуваат легализација на урбаните злосторства.
Тие додаваат дека одлуката на Пендаровски уште еднаш го потврдила она што тие како албанска опозиција го алармирале од почетокот, така и на денот на гласање на законот.
„ СДСМ, ДУИ и ВМРО-ДПМНЕ се обидоа да се сокријат зад граѓаните за да ги амнестираат урбаните злосторства на Стевче Јакимовски, Латас и другите соработници на сегашниот и претходниот режим. По оваа одлука, Законот треба да се врати во Собранието, да се разгледа во редовна постапка и со учество на сите надлежни тела и чинители. Овој закон навистина мора да им служи на граѓаните и не смее да ги злоупотребува грижите на граѓаните за да им служат на политичките криминалци на претходната власт како и на оние од сегашната власт“ велат од коалицијата и порачуваат дека треба да има поддршка за граѓаните, а не амнестија за урбаните злосторства.
Според нив треба да има легализација за домаќинствата, а не за мафијата и олигарсите на власт, кои, како што велат узурпираат и уништуваат јавен имот.
Би можело да ве интересира
Божик е неработен ден за сите граѓани
(Видео) Стоилковски: Злосторничко здружување во Битола, Охрид, Кочани – Докази за поткуп во Крива Паланка
Заев-Силвестри: Македонија ги заврши домашните обврски, на ред е ЕУ да вреднува
Предлогот за прогласување на дел од Водно за заштитен предел достапен за увид и коментари
Претежно стабилно и суво време со магла
Еко-активисти засадија 60 „дрва на пријателството“ во Општина Аерoдором
