пред 3 години На јавниот повик за набавка на јаглен за РЕК Битола и РЕК Осломеј се јавија 9 економски оператори, изјави денеска генералниот директор на АД ЕСМ, Васко Ковачевски.
Тој појасни дека овие економски оператори дале пет понуди за јаглен за РЕК Битола и 8 понуди за РЕК Осломеј.
„Во прва фаза утврдено е дека за Осломеј понудите ги исполнуваат барањата за потребните количини, а понатаму во втора и трета фаза се продолжува со проценка на другите сегменти од тие понуди.
За РЕК Битола понудите не ги исполнуваат целосно количините кои се бараа, односно не се нудат доволни количини на јаглен. Од тие причини АД ЕСМ во најкус рок повторно ќе објави повик за РЕК Битола и повторно ќе бара понуди за потребните количини за овој капацитет“, рече генералниот директор на АД ЕСМ.
На повикот пристигнале понуди за јаглен од три македонски рудници, потоа од рудници од Албанија, Косово, Русија, Турција и Босна и Херцеговина.
Ковачевски нагласи дека сега следува евалуација во втора фаза, односно ќе се направи техничка, комерцијална и економска анализа, проверка на пробните количини кои треба да се достават и потоа одлука за избор.
Би можело да ве интересира
Стојкова Серафимовска: Граѓаните имаат право да знаат како се трошат нивните пари пред истите да бидат одобрени
Сончево со мала до умерена облачност и температури до 18 степени
Димитриеска Кочоска до Бесими: Нема ниту еден министер во светот кој се фали дека половично реализирал проекти
Русковска: Цела година се собираа докази за акцијата во Грчец и Гази Баба
Лекарска комора: Згрозени сме од постапката на возачот кој удри во доктор и побегна
Регистрирани 1.093 новозаразени, починаа 28 лица
