Директорка на скопско училиште јавно праша астролог дали ќе добие втор мандат

Директорката на основното училиште во Скопје, Матилда Бајкова, во емисија за астрологија праша дали ќе добие уште еден мандат. Таа е директор на основното училиште во Бардовци „Аврам Писевски“. За жел не добила одговор од астрологот Мирјана Мирковиќ.

„Одговор молам. Дали ќе добијам уште еден мандат“, прашала Матилда која е професор по македонски јазик и литература, пренесе а1 он.

Нејзиното прашање наиде на реакции во јавноста, но, таа смета дека прашањето немало никаква врска со она што го работи и рече дека и таа како и секој друг има право да се забавува.

Матилда читала и дела кои се поврзани со астрологија, бидејќи ѝ биле интересни. Има добиено и признание за Меѓународниот ден на учителот, за „Просветен работник на годината за постигнати врвни резултати во остварувањето на целите и задачите на воспитно-образованата дејност за учебната 2016/2017“ и ќе се кандидира за уште еден мандат.