Од денеска почнува етапната исплата на ноемвриските пензии

пред 8 месеци

Oд денеска почнува етапната исплата на ноемвриските пензии. Министерството за труд и социјална политика информира дека пензиите ќе бидат исплатени предвреме и етапно, со цел да се овозможи поголема заштита на пензионерите во услови на опасност од коронавирусот Ковид-19.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

– Во четврток 26.11. 2020 година исплата на пензии со висина до 11.000 денари;
– Во петок на 27.11.2020 година исплата на пензии во висина од 11.001 денари до 14.000 денари;
– Во понеделник на 30.11.2020 година исплата на пензии во висина од 14.001 денари до 18.000 денари;
– Во вторник на 01.12. 2020 година исплата на пензии во висина над 18.000 денари.

Пензионерите кои користат платежна картичка, поврзана со сметката на која се префрлува пензијата, со парите можат да располагаат од четврток 26 ноември. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи. Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

МТСП потсетува на обврската за носење лична заштитна опрема којашто ги покрива пределот на носот и устата како и на држење растојание при чекање ред пред и внатре во банките.​

Share

WCOStream mickey and the roadster racers wcostream: Watch Fire Force Season 2 Episode 1 (https://wcostream.cc/m/Dx80/ep-1)

AnimeTV anime tv all free for you: Fairy Tail Episode 175

Scroll to Top