пред 21 час Тажна вест ја потресе македонската здравствена јавност попладнево. Почина д-р Виктор Исјановски, психијатар и поранешен директор на Здравствен дом – Скопје.
Неофицијално, Исјановски починал во Грција, каде што престојувал на летување. Вчера на социјалната мрежа Инстаграм Владимир Ристов – Камењар сподели фотографија од Таверна Фарос каде што е во друштво со д-р Исјановски и со кошаркарската легенда Перо Антиќ.
Фото: Инстаграм
Д-р Исјановски беше на чело на најголемата здравствена установа во државата од јуни 2019 до 2024 година. Јавноста најмногу го памети по неговиот ангажман за време на пандемијата на коронавирусот, кога Здравствен дом – Скопје со сите ресурси беше ставен во служба на граѓаните, особено во процесот на масовната вакцинација.
По професија специјалист психијатар, зад себе остави богата професионална кариера. Роден е на 21 јули 1978 година во Скопје, каде ги заврши основното и средното образование, а Медицинскиот факултет во Скопје го завршил во 2003 година.
Приватно, д-р Виктор Исјановски беше сопруг и татко на две деца.
Текстот (Фото) Почина поранешниот директор на Здравствен дом – Скопје, д-р Виктор Исјановски е превземен од МАКФАКС.
Би можело да ве интересира
Мицкоски: Ние сме усогласени со надворешната политика на ЕУ
Почина докторот Методи Чепреганов
Сајкоски: Декларацијата за Гоце Делчев да биде точката на обединување на политичките партии во Собранието
Променливо облачно време со снег на планините
Ситуацијата се стабилизира, денеска има под 900 новозаболени, рече Филипче
Државните функционери ќе имаат ограничување на трошоците за угостителски услуги
