пред 4 години Претседателот на ВМРО-ДПМНЕ, Христијан Мицкоски во рамки на денешната посета на Прилеп даде изјава во врска со доцнењето на првата пратка на вакцини која денес требаше да пристигне од Србија, а беше одложена.
„Брука, како може да го коментирам овој случај. Едноставно со еден збор може да кажеме дека веќе се срамам што сум дел од ова, па макар и опозиција, би рекол политичко мочуриште. Тоа е срам кој на дневна основа ни го приредуваат луѓе од Владата, и тој срам го приредуваат на цела држава, на цел народ“, рече лидерот на опозициската партија.
Според Мицкоски, трагично е и тоа дека не само што сме последни или сме држава во која нема вакцини, туку и ни се потсмеваат.
„Не само што сме последни, туку почнаа веќе и мајтап со нас да си играат сите. Наместо да седнат и да ги потпишат нивните оставки, тие уште ги гледам се обидуваат да наоѓаат оправдувања преку некои ступидни соопштенија кои ги лиферуваат во јавноста и велат недостасувале документи. Им недостасува памет. Тоа е она кое можам да го кажам, ако имаа малку повеќе памет и стратегија и визија тогаш немаше денес ние да бидеме последни и да се срамиме со нивните постапки“, кажа тој.
Би можело да ве интересира
Очекував затворска казна од 10 години, кажа таткото на детето што беше усмртено на „Пластичарска“, а возачот побегна
Сончево и топло со температура до 38 степени, попладне локално невреме
Ковачевски – Секизќок: Македонија е важен партнер и фактор на стабилноста во регионот
Нови 23 случаи на заразени и 4 починати од коронавирус во Македонија
( Во живо) Повреден полицаец на протестите кај Бит-пазар
Се намалува бројот на сообраќајни незгоди
