Во болница се наоѓа 28-годишна девојка поради згрутчување на крвта, по примена вакцина на „Астра зенека“

Од вчера на болничко лекување по компликации кои се појавиле откако била вакцинирана со вакцината на „Астра зенека“ е 28 – годишна девојка. Министерот за здравство Венко Филипче извести дека таа е на лекување во Клиничкиот центар во Скопје.

„Тромботичен ефект кај 28 – годишната девојка се појави 6 – 7 дена по вакцинирањето. Таа се вакцинирала во Србија. Таа се чувствува добро, но се следи нејзината состојба“, рече министерот Филипче.

Тој доцна синоќа го стопираше вакцинирањето на македонските граѓани со вакцината на „Астра зенека“ откако истото го направија Германија и Канада, поради згрутчувањето на крвта што го предизвикува.

Кај лицата над 60 години вакцината на „Астра зенека“ не се регистрирани негативни ефекти, па Филипче смета дека е безбедна за употреба.
Утрово, кај нас, почна вакцинацијата на лицата над 77 години, токму со вакцината на „Астра зенека“ .