ДСЗИ наложи итно санирање на руинираните простории во битолската болница

пред 3 години

Државниот санитарен и здравствен инспекторат (ДСЗИ) и надложи на директорката на битолската болница итно да бидат санирани руинираните простории, како и да се обезбеди адекватна просторија за починатите пациенти или да се прошири моргата за да може да одговори на потребите.

Ова следи по вонредниот надзор што го спроведе ДСЗИ, откако на социјалните мрежи се појавија фотографии како пациент прима инфузија, во просторија во која лежат починати пациенти.

Според податоците на ДСЗИ, ова се случило на 22 месецов околу 16:30 часот, кога во болницата во Битола имало 13 починати пациенти, а капацитетите на моргата се за четворица починати.

„На директорката ѝ е наложено да обезбеди адекватна просторија или проширување на моргата, која ќе одговори на потребите. Во однос на изолираноста на пациентите со паравани, тие се веќе поставени и се задоволени основните критериуми, почитувајќи ги правата за приватност според Законот за права на пациенти“, изјави директорката на ДСЗИ Ирина Сотирова-Бухова.

Таа додаде дека во моментов е издадено решение по кое директорката веднаш постапува за санирање.

Share
Scroll to Top