пред 9 часа Во рамки на вчерашните (08.05.2025) активности на полициските службеници од сите осум сектори за внатрешни работи при БЈБ на МВР, во врска со засилените сообраќајни контроли за почитување на сообраќајните правила и прописи на патиштата низ државава, беа издадени 777 платни налози.
Најбројни се прекршоците за непрописно паркирање 256, а потоа прекршоците по основ на возење со брзина поголема од дозволената – 175.
Покрај ова, вчера регистрирани се и 69 учесници во сообраќајот кои што не поседувале возачка дозвола, во девет случаи откриени се возачи под дејство на алкохол, шестмина возачи минале на црвено светло, а санкционирани се и 25 пешаци.
Исто така, по основ на неносење сигурносен појас изречени се 44 прекршочни платни налози, санкционирани се 11 возачи на мотоцикл за неносење заштитна кацига, а по основ на користење мобилен телефон при возење изречени се 28 платни налози. Од сообраќај, пак, се исклучени вкупно 22 возила од кои осум биле технички неисправни а 14 биле нерегистрирани.
„Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.
Текстот Засилени полициски контроли – вчера казнети 777 возачи и пешаци е превземен од МАКФАКС.
Би можело да ве интересира
Гаши: Гордо и со драга волја ќе ја почитувам одлуката на мнозинството, интерпелацијата е прва точка на дневен ред во вторник
(Видео) Спасовски и Брнз на тактичка вежба на МВР и американската амбасада
Соларен парк е првата француска стратешка инвестиција во земјава
Ласовска: Штетниот закон за учебници е повлечен, на ред е оставка на Мила Царовска
Седум македонски стартапи успешно ја завршија регионалната акцелераторска програма на Сеавус Акцелераторорт
Облачно и постудено со температура до 12 степени
