пред 4 години Скопското Основно јавно обвинителство донесе наредба за спроведување истражна постапка против 28-годишник од Скопје за кривично дело – неовластено производство и пуштање во промет на наркотични дроги.
Станува збор за случајот со родендеската забава во изнајмен стан во центарот на Скопје, која полицијата вчера ја растури.
„Во изнајмен стан на улицата ‘Црвена Вода’, 28-годишниот осомничен неовластено држел 54,76 грама марихуана, 0,8 грама кокаин, хашиш смола со вкупен волумен од 14 милилитри во три шприца, како и психотропни супстанции: 10,8 грама амфетамин и 4,65 грама од 3,4-метилен диоксиметамфетамин (МДМА). При претрес на станот била пронајдена и дигитална вага со остатоци од наркотична дрога“, информираат од обвинителството.
Бидејќи постојат околности што укажуваат на опасност од бегство и можност осомничениот да го повтори делото, надлежниот јавен обвинител до судијата на претходна постапка доставил предлог за определување мерка куќен притвор.
Би можело да ве интересира
СДСМ: И покрај опструкциите на опозицијата, државата продолжува да ги исполнува условите за преговорите за членство во ЕУ
Шолц доаѓа во Скопје, ќе се сретне очи в очи со Ковачевски
Акција на ОЈО за гонење на организиран криминал и органите на прогон на Белгија и Холандија
Казни за 229 возачи во Скопје, 75 за недавање предност на пешаци
Работник паднал од платформа од 3 метри
Угостителски објект во тетовско работел и покрај забраната, сопственикот е приведен
