Казнети 129 возачи во Скопје, од кои 32 за брзо возење

Полицијата за еден ден казни 129 возачи во Скопје, од кои 32 за брзо возење.

Министерството за внатрешни работи во текот на вчерашниот ден (07.05) продолжи со засилените акциски контроли во областа на сообраќајот.

На територијата на град Скопје изречени се вкупно 129 мерки, меѓу кои за возење повеќе од дозволената брзина 32, една казна за возење без возачка дозвола. Казнети се и 14 мотоциклисти.

Изречени се десет санкции за користење мобилен телефон, две за минување на црвено светло, три санкции за некористење сигурносен појас и 46 за непрописно паркирани возила.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.