пред 2 години Претседателот на Владата, Димитар Ковачевски во телефонски разговор со премиерот на Украина, Денис Шмигаљ, му ја изрази поддршката на Македонија за територијалниот интегритет и суверенитет на Украина.
Премиерот Ковачевски порача дека Македонија ја осудува одлуката на Руската федерација за признавање на украинските региони Донецк и Луганск како самонаречени „Народни Републики”.
Во телефонскиот разговор со премиерот на Украина, Ковачевски ја оцени постапката на Русија како директен напад врз територијалниот интегритет и суверенитет на Украина и како флагрантно кршење на меѓународното право.
Ковачевски на Шмигаљ му пренесе дека Македонија го поддржува суверенитетот и територијалниот интегритет на Украина во меѓународно признатите граници, и дека, како и останатите НАТО сојузници, се приклучува кон повикот до Москва на решавање на конфликтот преку мирен и дипломатски пат.
Претседателот на Владата Ковачевски за време на разговорот потврди дека Македонија е усогласена со надворешната и безбедносната политика на ЕУ и НАТО во однос на санкциите кон Руската Федерација, како одговор на нејзините непринципиелни постапки.
Би можело да ве интересира
ГРОМ бара владата да донесе одлука за забрана на извоз на жито и житни култури
Претреси во Кавадарци – пронајдена дрога, приведени две лица
Арсовска: Центар ќе биде пример за тоа како треба да изгледа општина во европска метропола
355 санкции за неносење маска
Маските стануваат задолжителни на отворено, Собранието ги изгласа законските измени
Шилегов: Македонскиот народ успеа да се избори за слободата благодарение на храбрите херои
