пред 4 години Економијата и бизнис секторот немаат време за политички сплетки и политиканство. Помошта е потребна веднаш, без одлагање вели координаторот на пратеничката група на ВМРО-ДПМНЕ, Никола Мицевски.
Според него пратеничката група на ВМРО-ДПМНЕ бара од СДСМ, Зоран Заев и владејачкото мнозинство веднаш да закажат итна пленарна седница на којашто заедно ќе ги разгледаат и едногласно ќе ги изгласаат законите од таканаречениот петти пакет мерки поврзани со финансиската помош за граѓаните и компаниите.
„Позади мене се присутни сите пратеници од пратеничката група на ВМРО-ДПМНЕ и Коалицијата кои се подготвени да бидат присутни и да дадат целосна поддршка за овие закони доколку власта конечно се вразуми и одважи да ја закаже седницата. Апелираме уште еднаш, да престанат политичките игри, пазарењата и тактизирањата врз грбот на граѓаните и стопанството и веднаш, уште денес да се закаже итна пленарна седница на која што ќе ги изгласаме законите од таканаречениот петти пакет на мерки за финансиска помош на граѓаните и стопанството“, рече Мицевски.
„Ние како пратеници од ВМРО-ДПМНЕ и Коалицијата ќе бидеме присутни во Собранието. Сега на потег е власта“,додаде координаторот на пратеничката група на ВМРО-ДПМНЕ.
Би можело да ве интересира
Бектеши: Во буџетот има повеќе средства за капитални инвестиции, обновливи извори на енергија и домашниот туризам
Петровска: Учествував во дел до студијата за гасоводот на Водно, но не застанав целосно зад неа
Коњаниците во вторник ќе јавнат кон Крушево по повод Илинден
24 Мај – Ден на сесловенските просветители неработен за сите граѓани
Чествување на 100-годишнината од раѓањето на Блаже Конески во седиштето на УНЕСКО
Рикер до Заев: САД ја поддржуваат интеграцијата на Македонија во ЕУ, ве охрабруваме да барате решение за билатералните прашања
