пред 3 години Центарот за превенција и контрола на болести на САД(CDC) во петокот објави нова студија, која јасно ја нагласува ефикасноста на вакцините против Ковид-19 против сериозни болести или смрт.
Оваа студија е спроведена во период од повеќе од три месеци, испитувајќи ги хоспитализациите и смртните случаи од вирусот Ковид-19 и заклучоците од истата покажуваат дека дури 10 пати е поголема веројатноста невакцинираните луѓе да бидат хоспитализирани, односно 11 пати е поголема веројатноста дека ќе имаат смртен исход од болеста. Според анализите во раното издание на студијата за состојбата со пандемијата, земајќи го во предвид четвртиот епидемиолошки бран и значајното проширување на новата делта варијанта во САД, хоспитализацијата и смртта од болеста доживуваат пад во текот на целиот период.
Центарот за превенција и контрола на болести на САД(CDC) во својот неделен извештај кој се однесува на морталитетот и морбидитетот укажува на стапките на инциденца, поврзани со ефективноста на вакцините. Инциденцата на инфекција со САРС-КоВ-2, хоспитализација и смрт е повисока кај невакцинираните отколку вакцинираните лица, и според Центарот за превенција и контрола на болести на САД(CDC) вакцинирањето штити од тешки заболувања од Ковид-19, вклучувајќи го и делта-сојот на вирусот. Следењето на инциденцата на Ковид-19 според статусот на вакцинација може да обезбеди рани сигнали за потенцијални промени во ефективноста на вакцината, што може да се потврди преку цврсти контролирани студии.
Би можело да ве интересира
284 санкции за пребрзо возење
Димитров: Време е Софија да преземе одговорност
Двајца Грци приведени поради кршење и дрско однесување во Битола
ВМРО-ДПМНЕ: Во викенд кога умреа 78 лица од ковид, Филипче и Заев се возеа со мотори во Крушево, Охрид, по течението на Радика
Нови 403 заболени и 10 починати од коронавирус во Македонија
МОН: 7 ученици и 5 наставници имале настава со физичко присуство од активните случаи со Ковид-19
