пред 3 години Министерот за надворешни работи, Бујар Османи, се сретна со европратеникот Тијс Рутен (Групата на социјалисти, Холандија), кој престојува во работна посета на земјава.
На средбата беа разменети мислења за актуелните случувања во контекст на европскиот интегративен процес на Северна Македонија, перспективите за отпочнување на пристапните преговори, а стана збор и за последните внатрешно-политичките случувања.
Османи посочи дека Европскиот парламент во континуитет дава принципиелна поддршка во однос на европската перспектива на Северна Македонија, при што изрази очекување дека оваа поддршка ќе продолжи и во иднина.
Соговорниците, покрај актуелните политички случувања во нашата земја, разговараа и за билатералната комуникација со Бугарија во напорите за надминување на блокадата на преговарачката рамка, за регионалната динамика и за добрососедските односи.
Европратеникот Тијс Рутен ја реафирмираше поддршката и позитивно ги оцени реформските резултати на Владата, што е констатирано во последниот Извештај на Европската комисија, како и активниот придонес на земјата во унапредувањето на регионалната соработка и добрососедските односи.
Би можело да ве интересира
Сертификатите за вакцинација се валидни и не се повлечени од употреба, соопштија од здравство
Пронајдено 4 годишното дете кое исчезна во Охрид
Мандатот на Бучковски ќе трае една година
Нов земјотрес со јачина од 4,8 степени ја стресе Македонија
СДСМ: Мицкоски наместо да организира таканаречени протести за струјата, да поднесе оставка
Агенцијата за поддршка на земјоделството од Бугарија ќе црпи искуства за работење по европски стандарди
