пред 4 години Тестираните пратеници и вработени во Собранието кои биле во контакт со Тимчо Муцунски добиле негативни резултати на тестовите за коронавирус.
Тие беа тестирани утрово, откако пратеникот Муцунски од ВМРО-ДПМНЕ, кој е и претседател на Комисијата за финансирање и буџет, во саботата објави дека добил позитивен резултат на коронавирус.
„Сите тестирани се негативни. Комисијата за буџет ќе продолжи во 14 часот“, информираа од Собранието.
Седницата на Комисијата каде се дискутира за амандманите поднесени за буџетот за 2021 година требаше да започне во 11 часот. Собранието, сепак, одлучи почетокот да се одложи сѐ додека не се добијат резултати од тестовите за коронавирус.
Инаку, Муцунски за позитивниот тест на корнавирус објави во саботата на социјалните мрежи.
„Пред малку добив резултат дека сум позитивен на Ковид-19. Чувајте се и чувајте ги вашите семејства. Вирусот воопшто не е наивен“, напиша Муцунски.
Би можело да ве интересира
Претрес во Кичево, приведен дилер, пронајден кокаин
Владата ги презема првите мерки за прифаќање на бегалци од Украина
Приведен 26-годишен скопјанец, кој крадел во Аеродром и Драчево
Во тек е етапната исплата на ноемвриските пензии
Македонија е лидер во зелената енергетска трансформација во Западен Балкан, изјави министерот Бектеши во Варшава
СДСМ: ВМРО-ДПМНЕ и Левица поднесуваат неосновани кривични пријави
