СДСМ: ВМРО-ДПМНЕ шират невистини во очај што не можат да го одбранат криминалот

пред 3 години

ВМРО-ДПМНЕ упорно си тера со измислици и конструира непосточеки случаи за наводен нелегален тутун, иако нивните лаги повеќе пати беа демантирани, соопшти СДСМ по обвинувањата на портпаролот на ВМРО-ДПМНЕ, Димче Арсовски.

„ Јавноста е информирана, но по се изгледа не е информиран портпаролот на ВМРО-ДПМНЕ Димче Арсовски дека за конкретниот случај за кој изнесува лаги, пред неколку месеци е отворена предистражна постапка во рамките на Царинската управа, известен е и надлежен Јавен обвинител.

Во белата палата очигледно им пречи што оваа влада води неселективна и бескомпромисна борба против корупцијата, па затоа шират лажни вести против вицепремиерот за борба против корупција Љупчо Николовски и неговото семејство.

Денес правдата е еднаква за сите, секој што се огрешил пред законот – одговара, нема повеќе недопирливи.

Очајни што не успеваат да го одбранат криминалот на ВМРО-ДПМНЕ и избезумени од последователните порази на сите избори, губитникот Мицкоски и неговите соработници не знаат што друго да прават, освен да шират лажни вести во кои никој не верува.

Затоа губат на избори, затоа уште долго ќе останат во опозиција“ се додава во соопштението.

Share
Scroll to Top