пред 3 години Институциите треба да се насочат кон утврдување на имотот на избеганиот поранешен директор на тајната полиција и да се конфискува оној што е криминално стекнат, рече министерот за внатрешни работи Оливер Спасовски.
Одговарајќи на новинарско прашање Спасовски објасни дека МВР нема увид во сметките на Мијалков.
„МВР не е институцијата која одобрува замрзнување сметки и други активности ниту пак ги гледа тие сметки. Управата за финансиско разузнавање има обврска за тоа да утврди колку и какви сметки има и тоа го прават. Прашањето треба да го насочиме кон тоа кој е имотот на Мијалков и да се конфискува, криминално стекнатиот имот треба да се конфискува, да се одземе во интерес на државата. Во тој дел треба да постапуваат институциите“, рече министерот Спасовски.
Тој повтори дека имаат сознанија дека Мијалков уште е во Македонија оти имаат увид во секое време на граничните премини од каде може да добијат информации. Спасовски рече дека нема податоци дали Мијалков има друго државјанство освен македонското.
Би можело да ве интересира
(Видео) Ковачевски: Нашиот фокус е ставен на економскиот развој и на финансиската поддршка за семејствата
Приведени петмина дрвокрадци во Прилепско, одземени околу 11 кубни метри дрва
Ковачевски предводи владина делегација на Минхенската конференција за безбедност
Aвтомобил во Прилеп удрил во пешак и побегнал
Димитров на средба со шпанскиот амбасадор: Годинава е клучна за одржување на кредибилитетот на ЕУ во регионот
ВМРО-Народна: Заев зборуваше храбро за македонската историја
