„Алта банка“ купи и осигурување, дали се загрозени и полисите на граѓаните, прашуваат од СДСМ

„Алта банка“ преку нејзиниот сопственик Давор Мацура го купи осигурителното друштво „ЗОИЛ Македонија“ за околу 1,7 милиони евра. По купувањето го смени името во „Алта Осигурување“ АД Скопје, а Мацура стана единствен сопственик со 100% од акциите со право на глас, соопштија од СДСМ.

Се отвора прашањето, додаваат од таму, дали се загрозени и осигурителните полиси на граѓаните.

„Дали се загрозени покривања на штети од сообраќајни незгоди, автомобилско осигурување, возила, имот, куќи, станови?

Дали се загрозени исплатите на приватни осигурувања, патничко и здравствено осигурување, повреди при работа?

Дали се загрозени осигурувањата на деловни и индустриски објекти, машини и залихи?

Зошто се молчи за овие прашања?

Агенцијата за супервизија на осигурување дали презема нешто“.

Од опозициската партија дополнително прашуваат, дали по банкарскиот, ќе се разниша и осигурителниот сектор.

„Мицкоски и Славевски дозволија влез на криминален капитал во Македонија и за нив мора да има истрага и кривична одговорност“.

Текстот „Алта банка“ купи и осигурување, дали се загрозени и полисите на граѓаните, прашуваат од СДСМ е превземен од МАКФАКС.