пред 3 години Ова се фотографии од семејната зграда на Петре Шилегов направени вчера. Тука најдобро се гледа линијата до каде бил кровот, се гледа и линијата до каде бил сртот, што е над тоа градено, објасни портпаролот на ВМРО-ДПМНЕ, Наум Стоилковски.
Како што рече тој, реконструкција на еден објект значи задржување на обемот, висината, ширината и должината на истиот.
Во случајот на Шилегов, нагласи Стоилковски, станува збор за надградба.
„За тоа Петре Шилегов нема дозвола. Надградба без дозвола е криминал!“, обвини партискиот портпарол.
Според него, една од фотографиите покажува менување на габаритот на објектот, во споредба со соседите од лево и од десно на зградата на Петре Шилегов.
„Распуканите ѕидови уште од сега, откриваат точни линии на стариот објект. Тоа покажува и можна промена на статиката на објектот. Наместо кровна конструкција-цел спрат! Тоа може да доведе до опасност по животот, на домашните, на соседите и на нивниот имот“, посочи Стоилковски.
Според него, инспекторите молчат и се кријат во однос на овој случај.
„Ги нема на терен единствено кај градоначалникот на Скопје, во заминување, Петре Шилегов. Инспекторите молчат, дивоградбата зборува сама за себе. Шилегов без дозвола крена замок во Карпош, ја зголеми вредноста на зградата за 100-тина илјади евра, се тоа со познати фирми, а никој, ама никој од надлежните не се заинтересира“, кажа портпаролот на ВМРО-ДПМНЕ, според кого, за Скопје нема полошо од Шилегов.
Би можело да ве интересира
Утре без струја делови на Кисела Вода, Ѓорче Петров и Карпош
Утре без струја делови на Центар и Бутел
Скопјанец затекнат со марихуана за време на полициски час
Албанскиот премиер ги повика Албанците да учествуваат во пописот во Македонија
ВМРО-ДПМНЕ: 36 дејности се изоставени од предлогот за неработна недела
Османи: Заедничка е обврската да го задржиме европскиот кредибилитетот на Балканот
