Данела Арсовска одби да се соочи со Шилегов и другите кандидати во студиото на „Макфакс“ и „А1он“

Независната кандидатка за градоначалник на Град Скопје, поддржана од ВМРО-ДПМНЕ, Данела Арсовска одби да присуствува на дебата на „Макфакс“ и „А1он“ со другите кандидати за градоначалник на Град Скопје.

Иако е право на секој кандидат како ќе се однесува во текот на кампањата и избор каде ќе настапува, сепак очигледно е дека Арсовска засега избегнува директно соочување со другите кандидати, посебно со актуелниот градоначалник.

Утре на дебата во студиото на „Макфакс“ и „А1он“ ќе се соочат кандидатите за градоначалници на Град Скопје. Сите кандидати кои беа поканети го прифатија учеството, освен Данела Арсовска, а првично прифати, а потоа откажа кандидатот поддржан од Левица.

Од тимот на Арсовска ја одбија поканата со образложение дека таа е зафатена со претходно договорени обврски во кампањата.