До вторник се очекува договор за платите на наставниците, рече Шаќири

И на новата средба помеѓу претставниците на СОНК и министерот за образование Јетон Шаќири, нема договор за платите на наставниците и воспитачите. Се разговарало за процентот, ставовите се доближиле, но детали не се откриваат. Шаќири смета дека прекин на настава не треба да има доколку се јави потреба од други разговори, а договор очекува најдоцна до вторник.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Се отворија многу дискусии за колективните договори и мислам дека ќе имаме нов колективен договор наредниот период, па ќе имаме за што да продолжиме со преговори. Ставовите се доближуваат, во другиот дел се наоѓаат решенија. Побарав разбирање од СОНК и наставниците затоа што имавме добра волја за решение“, посочи Шаќири

Прашан дали платите ќе се покачат за 18 отсто како што бараше СОНК или пак за помал процент, Шаќири рече: „Се уште разговараме. Ќе најдеме начин тој да биде подобар“.

„Не сакам да споменувам процент. Сакам да е ова последен штрајк и прекинат процес на настава. Можеби во наредниот период ќе имаме потреба од други разговори, но да нема прекин на настава“, рече Јетон Шаќири.