пред 3 години Министерката за труд и социјална политика Јагода Шахпаска попладнево отпатува за Сараево, БиХ, каде ќе учествува на Вториот Министерски состанок за интеграција на Ромите, соопштија од нејзиниот кабинет.
На состанокот, кој е во организација на Министерството за човекови права и бегалци на Босна и Херцеговина и Регионалниот Совет за Соработка, ќе учествуваат министрите од Западен Балкан кои се одговорни за интеграцијата на Ромите, како и претставници од Европската Комисија и меѓународни невладини организации кои се ангажирани во делот на интеграцијата на Ромите.
Министрите и претставниците од Европската Комисија, како што е посочено во соопштението ќе разговараат за напредокот што земјите од Западен Балкан го имаат во делот на имплементацијата на заклучоците од Првиот министерски состанок што се одржа во Албанија во октомври минатата година.
Заклучоците од состанокот од министерскиот состанок што ќе се одржи утре во Сараево, се очекува да бидат поддржани на Самитот на лидерите на Западен Балкан во рамките на „Берлинскиот процес“, што ќе се одржи на 5 јули, во Берлин, Германија.
Би можело да ве интересира
Мицкоски се сретна со потпретседателот на парламентарното Собрание на ОБСЕ, Азај Гулијев
Николовски: Со платформата за Интероперабилност не може да се чуваат и кријат предмети во фиоки
Пендаровски со лицата со попреченост: Неприфатливо е да бидете маргинализирани и обесправени
Штедачите од „Еуростандард“ пред Пендаровски побараа целосно парично обесштетување
„Иднината е светла“ – запознајте ги храбрите херои на Халкбанк од нашето секојдневие
Регистрирани 1.320 нови случаи на коронавирус во Македонија, починаа 35 лица
