Од пладне нестабилно со пороен дожд, грмежи засилен ветер

Времето денеска претпладне променливо облачно, од пладневните часови и попладне на повеќе места ќе биде нестабилно со пороен дожд, грмежи и засилен ветер. Локално процесите ќе бидат поинтензивни со пообилен дожд за кратко време, почести електрични празнења и појава на град.

Максималната температура ќе биде во интервал од 22 до 30 степени.

Времето во Скопје променливо облачно, околу пладне и попладне ќе биде нестабилно со повремен пороен дожд, грмежи и засилен ветер, а ќе има и услови за поинтензивни процеси и појава на град. T= 29 °C, P= 979 hPa, U= 46 %, V= 4 m/s.

За време на викендов ќе се задржи променливо облачно и нестабилно време, претпладне со почести сончеви периоди, околу пладне и попладне со локален пороен дожд, грмежи и засилен ветер. На места процесите ќе бидат поинтензивни со пообилен дожд за кратко време, почести електрични празнења и појава на град. Во понеделник ќе дува засилен северен ветер, а од вторник ќе има пораст на дневната температура.