пред 3 години Гевгелиското основно јавно обвинителство донесе наредба за истражна постапка против лице од Богданци, за кое постои сомнение дека сторило кривично дело разбојништво.
Како што информираат од обвинителството, на 21. април, половина час по полноќ, осомничениот, маскиран во црно, со парче бетон го скршил стаклото од влезната врата на електронско казино на улицата „Маршал Тито“ во Богданци.
Кон оштетената вработена вперил нож и влегол од внатрешната страна на пултот каде што била касата. Од таму одзел вкупно 65.000 денари во различни апоени.
Судија на претходна постапка го прифатил предлогот на јавниот обвинител и на осомничениот му определил притвор во траење од 30 дена, бидејќи постојат околности кои го оправдуваат стравот дека тој ќе се даде во бегство, ќе ја попречува истрагата со влијание врз сведоците и дека ќе го повтори кривичното дело.
Би можело да ве интересира
ВМРО-ДПМНЕ тврди дека блокадата е на барање на граѓаните
Кривична за охриѓанката која повика да се запалат Евреите сосе хотел
Претпладне магла по котлините, попладне сончево со мала облачност
Ковид-мерките за влез и излез од земјата на разгледување пред Владата
ВМРО-ДПМНЕ: Со новиот Kлинички центар Заев и Филипче сакаат да направат криминал од половина милијарда евра
(Видео) МВР со апел за претпазливост: Измамници бараат пари од повозрасни лица за наводни сообраќајки
