СДСМ: Нов дебакл на протестите на ВМРО-ДПМНЕ, граѓаните се против блокади

Протестите на очајното и безидејно ВМРО-ДПМНЕ доживеаја дебакл ширум земјава. Едвај 13 возила со 14 луѓе, тоа е просекот на денешните „протести“, велат од СДСМ во соопштение.

Од партијата велат дека граѓаните со ова испратиле силна порака до Мицкоски и ВМРО-ДПМНЕ дека народот е против блокади.

„Наместо во чувствителни моменти за државата да и помогнат, Мицкоски и ВМРО-ДПМНЕ одмагаат и саботираат. Опозицијата нема чувство за националните интереси и се обидува да ги саботира напорите да добиеме Меѓувладина конференција и премостување на блокадата во ЕУ. И во Собранието и надвор од него, ВМРО-ДПМНЕ блокираат закони и процеси важни за иднината на државата и граѓаните.
Се што е во интерес на граѓаните, ВМРО-ДПМНЕ го кочи, опструира и блокира“, се наведува во соопштението.

Затоа, додаваат од СДСМ, денеска добија силна порака од граѓаните дека не прифаќаат блокади, кочења и уназадувања, граѓаните се за напредок, просперитет и развој.