пред 10 месеци Дебитантот Виктор Вембањама ја обележа изминатата ноќ во НБА лигата. Францускиот вундеркинд забележа трип-дабл со блокади во поразот на Сан Антонио во Торонто. Балканските ѕвезди Никола Јокиќ и Богдан Богдановиќ доживеаја порази, додека Лука Дончиќ го предводеше Далас до нова победа.
Торонто го победи Сан Антонио со 122:99. Вембањама го забележа првиот трипл-дабл во кариерата. Натпреварот го заврши со 27 поени, 14 скокови и 10 блокади. Тој е првиот руки со ваков трипл-дабл по Дејвид Робинсон во 1990 година.
Милвоки на домашен терен го победи Денвер со 112:95. Јанис Адетокумбо имаше 36 поени (14-19 од поле), 18 скока и пет асистенции. Демијан Лилард постигна 18 поени.
Нагетс го загубија вториот последователен меч, а Јокиќ забележа 29 поени (13-25 од поле), 12 скока, осум асистенции, но и пет загубени топки. Џамал Мареј одигра само 18 минути поради болки во потколеницата, а Гордон постигна 14 поени.
Лука Дончиќ го оствари својот десетти трипл-дабл сезонава, 26 поени (8-16 од поле), 11 скока и 15 асистенции, во победата на Далас над Вашингтон од 112:104. Кајри Ирвинг даде 26 поени (10-19 од поле), а Даниел Гафорд имаше 16 поени, 17 скока и пет блокади.
Во поразот на Атланта од Чикаго со 136:126, Богдановиќ постигна 28 поени (3-6 за два, 6-10 за три), 2 скока и 4 асистенции.
Кај биковите се истакнаа Демар Дерозан и Ајо Досунма со по 29 поени, додека Никола Вучевиќ додаде 24 поени.
Би можело да ве интересира
Роналдо би можел да загуби милијарда долари поради тужба во САД
Здравко Мамиќ во свој стил го прослави успехот на Хрватска
Чурлинов: Мора да ги средиме главите и да победиме против Гибралтар
Австралиец ќе суди во Премиер лигата
„Спартанците“ пропуштија голема шанса за победа над Шпанија
ТОП спортисти кои го користат својот мозок
