пред 8 часа Американскиот ММА борец Џон Џонс ја одбрани титулата шампион во тешка категорија во УФЦ. Џонс во третата рунда со технички нокаут го победи поранешениот шампион на УФЦ, Стипе Миочиќ.
Џонс знаеше како да прослави. Во октагонот танцуваше како Доналд Трамп, а потоа откако го прогласија за победник и и се обрати на јавноста, дојде кај американскиот претседател и му го предаде појасот.
Стипе Миочиќ за овој меч се врати во октагонот по три и пол години пауза и беше јасно дека не е на нивото на кое беше за време на трилогијата и „војните“ кои ги водеше со Даниел Кормиер. Џонс отсуствуваше долго пред овој дуел, бидејќи последен пат беше во октагонот во март 2023 година, кога го принуди Сирил Ган да се предаде и го освои појасот.
Џонс, исклучително контроверзна фигура во светскиот спорт, често се смета за најголем ММА борец на сите времиња. Неговата надмоќ во кафезот, сепак, често беше во сенка на проблемите со законот, но и со допингот, кој го имаше надвор од арената.
Со триумфот над Миочиќ дополнително го зацврсти статусот на легенда на ММА, бидејќи пред да го освои и одбрани појасот во тешка категорија, долго време беше неприкосновен владетел во полутешка категорија на УФЦ (до 93 килограми).
Jon Jones just won his UFC fight and did the Trump dance. pic.twitter.com/0yXSF20pUU
— Clay Travis (@ClayTravis) November 17, 2024
Би можело да ве интересира
Бекам: Предолго траат проблемите во Манчестер јунајтед
(Видео) Кризата се продлабочува, Баерн загуби во Бохум
Помошникот му го „искрши“ Бугатито на Роналдо!
Раџа: Обрадовиќ е газда и сака се да држи под контрола, во НБА тоа не поминува!
Маркос Рохо дознал дека Јунајтед го „шутнале“ преку социјалните мрежи
Аргентина со голема победа на височина над Боливија!
