Икарди во изненадувачки трансфер повторно во Италија

Најпознатата фудбалска менаџерка Ванда Нара на својот Инстаграм објави фотографија за која италијанските медиуми заклучија дека би можела да го открие новиот клуб на Мауро Икарди. Ванда е негова сопруга и менаџер, а фотографијата е направена во Турција каде Икарди игра за Галатасарај, пред да снимат заедно реклама. Она што го поттикна интересот во јавноста е тренерката што ја носи менаџерката.

Фотографијата го открива логото на Јувентус, а тоа беше доволно да ги подгрее гласините за можниот следен клуб на Икарди. Аргентинскиот фудбалер најголемиот дел од кариерата го одигра во Италија, во Интер и тоа е земјата во која се чувствува како дома.

Икарди со 18 гола е вториот стрелец во лигата Турција, со гол помалку од Един Џекo од Фенербахче. Вкупно постигна 47 гола на 65 натпревари за Галатасарај, со кого е под договор до летото 2026 година. Има и 19 асистенции. Пред да замине од Интер во Турција, тој беше поврзуван со Јувентус.