Кристал Палас исфрлен од Лигата на Европа, Нотингем Форест „упаѓа“

Европската фудбалска унија го исфрли Кристал Палас од Лигата на Европа и го „префрли“ во Конференциската лига!

УЕФА донесе одлука за исфрлање на Кристал Палас од Лигата на Европа поради кршење на правилата за повеќекратна сопственост на клубови во истото натпреварување. УЕФА, исто така, соопшти дека Кристал Палас може да поднесе жалба до Арбитражниот суд за спорт во Лозана.

Нотингем Форест, кој ја заврши сезоната на седмото место во Премиер лигата, ќе биде во Лигата на Европа.

Џон Текстор, сопственик на Кристал Палас и Олимпик Лион, кои се во подеднакво тешка состојба и моментално слават откако беше уважена нивната жалба против испаѓањето во Лига 2 во Франција, се обиде да ја измами УЕФА согласувајќи се да го продаде својот удел од 41 процент во Кристал Палас. Тој исто така ги искористи истите пари за да се обиде да го реши проблемот со Лион. Проблемот со Лион очигледно беше решен со овие пари.

Продажбата не е формализирана, проверките во Премиер лигата сè уште траат, а секако до тоа дојде предоцна. Рокот поставен од УЕФА беше 1 март.