Култната „Сузука“ останува на Ф1 календарот барем уште 3 години

Единствената патека во форма на осмица во календарот на Формула 1 – популарната „Сузука“ во Јапонија е брза и техничка многу захтевна, но е посебно популарна кај пилотите.

Големата награда на Јапонија на оваа стаза ќе се вози најмалку до 2024 година, соопшти денеска промоторо на Ф1.
„Ова продолжување на договорот е резултат на плодната врска меѓу Ф1 и `Mobilitylanda`, кој е сопственик на патеката, дел е од долгорочната определба за развој на спортот во Азија“ објаснуваат од Формула 1.

„Сузука“ идната 2022 година ќе прослави 60-годишнина, од 1987 година организирала дури 31. Голема награда, а 11-пати токму таму е одлучен светскиот шампион.