пред 4 години Австриецот Матијас Мајер ја забележа првата победа оваа сезона, во Светскиот куп. Мајер, во средата, победи на трката во спуст, која се одржа во Бормио, Италија.
Резултатот 1:57.32 му ја обезбеди на Австриецот десеттата победа во кариерата.
Спустот во Бормио беше исклучително неизвесен, првите шестмина ги делеа само 28 стотинки.
Зад Мајер, на второто место заврши неговиот сонародник Винсент Крихмајр, а трет беше Швајцарецот Урс Кринбил. Крихмајр имаше послаб резултат од Мајер за четири, а Кринбил за шест стотинки.
Четвртото место му припадна на домашниот натпреварувач, Доминик Парис (+0.13), петтото на Швајцарецот Мауро Кавицел (+0.16), а шестото на Норвежанецот Александер Килде (+0.28).
Мајер со оваа победа се искачи на втората позиција во поредокот во спуст. Тој има 158 поени, 32 помалку од водечкиот Килде, кој ја презеде лидерската позиција во вкупниот поредок во Светскиот куп со 465 поени, три повеќе од Алекс Пинтаро.
Би можело да ве интересира
Наполи го победи Јувентус – Елмас одигра едно полувреме
Казната за Швајцарија експресно стигна – Франција води 2:1 за само две минути
Калиниќ МВП за февруари
Несторовски не придонесе за бодот за Удинезе против Аталанта
Јокиќ погоди за продолженија, Дончиќ за победа
УФЦ: Мечот Чимаев-Едвардс е откажан, Чеченецот страда од КОВИД-19
