пред 10 месеци Жозе Мурињо шеговите ја откри причината за неговата седа коса, раскажувајќи посебна приказна од времето кога тренираше фудбалер во поранешните клубови Реал Мадрид и Челзи.
Португалскиот тренер зборуваше за „проблемите“ што ги имал со менаџерот на Ласана Диара за време на неговиот престој во Мадрид и Лондон.
„Го тренирав Ласана Диара во Реал Мадрид и Челзи. Целата оваа бела коса на мојата глава е поради Ласана и неговиот менаџер“, рече Мурињо, а потоа продолжи.
„Ако игра 90 минути и одигра добро, неговиот менаџер доаѓа следниот ден и бара нов договор и поголема плата. Ако е на клупата и не игра, неговиот менаџер доаѓа во понеделник наутро и бара состанок затоа што Ласана сака да си замине“, се пошегува Португалецот.
Дијара одигра 96 натпревари под водство на Жозе Мурињо за време на неговиот престој во Челзи, а потоа и во Реал Мадрид.
Поранешниот француски репрезентативец (40) се збогува со фудбалот како играч на ПСЖ во 2019 година, а играше и за Марсеј, Локомотив Москва, Арсенал, Анже, Ле Авр, Портсмут…
Тој ја освои Премиер лигата со Челзи, Ла Лига со Реал, а има и две титули во францускиот шампионат.
