Олимпијакос први ја освоија „Палау Блауграна“

Олимпијакос го одигра најдобриот меч оваа сезона, за да стане првиот тим кој триумфирал во „Палау Блауграна“ оваа сезона во Евролигата, триумфирајќи со 96:88 за да ја прекинат низата од два порази.

Хасан Мартин имаше 17 поени, а Костас Слукас дабл-дабл со 15 поени 10 асистенции, но клучен играч за Олимпијакос беше Арон Херисон во одбраната. Откако Барса се врати од 11 поени негатива за 82:84 за Олимпијакос, Херисон прво украде топка по што беше направен неспортски фаул над него и „црвените“ освоија пет поени во низа на 2:19 пред крајот.

Анадолу Ефес, пак, предводени од Василије Мициќ го изддржаа камбекот на АСВЕЛ за 72:68 победа и прекин на лошата серија. АСВЕЛ имаа предност во последните две минути од мечот, но Мициќ (22 поени) и Шејн Ларкин (18 поени) ги вратија во игра, пред Сертаџ Санли да постигне две слободни фрлања на една секунда за одлучување на мечот.