Секој ден Ковид-тестови за сите спортисти на Олимпијадата во Токио

Усвоен е нов сет мерки за заштита на учесниците на Олимписките игри во Токио од коронавирусот. Една од најзначајните е што сите спортисти ќе бидат тестирани секој ден.

Остануваат уште 85 дена до почетокот на Игрите, Меѓународниот олимписки комитет, Организацискиот комитет на Игрите, локалните власти во Токио и официјалните лица во Владата на Јапонија одржаа состанок на кој се договорени дополнителни мерки за заштита на сите учесници.

Опширниот документ со сетот мерки за безбедност и заштита од зараза со коронавирусот сега е дополнет:

-Сите учесници на Игрите се обврзани да направат два Ковид 19 теста пред тргнување кон Токио

-Спортистите и сите оние кои се во близок контакт со нив ќе бидат тестирани секој ден

-Сите останати учесници на ОИ ќе бидат тестирани секојдневно првите 3 дена по доаѓањето во Јапонија, а потоа во зависност на нивната улога во организацијата и контактот со спортистите

-Обврзна е дистанца од 1 метар во однос на сите останати учесници

-Сите учесници ќе мораат да користат намесни превоз обезбеден за нив, забранета е употреба на јавен превоз

-Сите учесници за своја исхрана ќе мораат да користат локација каде што се почитуваат анти корона мерките.