пред 3 месеци УЕФА објави дека извршила вонредна промена на еден од судиите за натпреварот од Лигата на шампионите помеѓу ПСВ Ајндховен и Спортинг Лисабон.
Италијанецот Фабио Мареска требаше да биде четврти судија на овој меч, но се најде во центарот на скандал и по итна постапка беше избришан од списокот.
Како што пренесува „Газета дело Спорт“, Мареска кон еден играч упатил смртни закани во текот на натпреварот во кувајтското првенство меѓу Кувајт и Ал Араби. Марсека беше главен судија на овој натпревар.
Откако тие обвинувања излегоа во јавноста, а целиот скандал стигна до челниците на УЕФА, тој беше отстранет од натпреварот од Лигата на шампионите за кој беше делегиран.
Како што соопштија од Европската фудбалска унија, на овој натпревар од елитното натпреварување на негово место ќе дојде неговиот сонародник Даниеле Довери.
Главен судија ќе биде Марко Гвида, а помошници ќе бидат Чиро Карбоне и Џорџо Перети.
Натпреварот помеѓу ПСВ и Спортинг се игра вечерва.
Би можело да ве интересира
Играч на Валенсија упасен за сексуален напад
Пресврт на Аталанта на „Сан Сиро“ за пласман во полуфиналето на Купот
За Ромео Бекам постојат „посебни“ инструкции, критичарите велат игра како мајка му!
ММА фајтер нокаутираше човек во ноќен бар, па тврдеше дека е во самоодбрана
УФЦ: Гaн го победи Розенстрајк во тешкашката пресметка, Вајт не е импресиониран
Рамос ќе остане во Реал Мадрид
