пред 2 дена Фудбалската репрезентација на Узбекистан се квалификуваше за Светското првенство во 2026 година, кое ќе се одржи во Америка, Канада и Мексико.
Во претпоследното коло, Узбекистан одигра 0:0 на гостински терен против Обединетите Арапски Емирати и со освоениот бод и математички обезбеди пласман.
Узбекистанците се втори на табелата од Групата А на азиските квалификации со 18 бода, четири повеќе од ОАЕ, кои ќе мора да одат во плејофот.
Ова ќе биде прв настап за Узбекистан на завршниот турнир на Светското првенство. На Азискиот куп, нивниот најдобар резултат досега беше четвртото место во 2011 година.
Меѓу попознатите играчи за оваа селекција, меѓу другите, се Абдукодир Хусанов (Манчестер сити) и Елдор Шомурудов (Рома).
Патем, покрај домаќините, досега на завршниот турнир се квалификуваа Иран, Јапонија, Аргентина и Нов Зеланд.
Светското првенство е закажано од 11 јуни до 19 јули 2026 година.
Би можело да ве интересира
Дали знаете кој е најбрзиот фудбалер на ЕП 2024?
Во емотивен меч во Атина, Ефес до победа над Панатинаикос
Кошаркар на Месина почина на натпревар
Бешикташ го доби истанбулското дерби и се искачи на првото место
„Смртта на Мараодна не е лекарска грешка. Правеше што сакаше, никој ништо не му можеше“
Симон незапирлив, постигна 42 поени
