пред 3 години Поранешниот голман на фудбалската репрезентација на Данска, Петер Шмајхел ја критикуваше одлуката на УЕФА да продолжи мечот меѓу Данска и Финска откако во 43-тата минута Кристијан Ериксен „и побегна на смртта“.
Петер Шмајхел, таткото на чуварот на мрежата на Данска, Каспер, смета дека одлуката на УЕФА е „смешна“.
„Требаше да смислат друго сценарио и да покажат малку сочувство, но не го направија тоа“ изјави Шмајхел постариот за радио „ББС“.
Мечот беше прекинат, а по 90-тина минути истиот продолжи од таа 43 минута. На крајот Финска на дебито на ЕП со 1-0 славеше во Копенхаген.
УЕФА соопшти дека се сложиле мечот да продолжи на „барање на играчите од двата табори“.
Играчите имале две солуции – мечот да заврши во сабота (вчера) и денеска на пладне. Откако слушнаа дека Ериксен е при свест и комуницира, одлучија мечот да продолжи синоќа, во 20.30 часот.
Шмајхел смета дека играчите биле доведени во тешка позиција.
„Се случува нешто ужасно и УЕФА им дава можност на играчите да излезат и да играат или да се вратат на теренот во недела на пладне? Каква опција е тоа? Резултатот на мечот е потполно небитен. Како можеш да играш“ – праша Шмајхел.
Би можело да ве интересира
Динамо Загреб во драма на „Максимир“ влезе во групната фаза на Лигата на шампиони
Федерер наполни 40, ривалите со емотивни честитки
Доминација на Дејвис, Лејкерси ги победија Финикс Санс
Доменек се врати, па тропна нова глупост: Ќе го донесев Марадона, но мртов е!
Репрезентацијата ќе му помогне да се врати во форма
Митревски повторно ја има најдобрата одбрана во ЛШ
