Џилардино се врати на „Енио Тардини“

Алберто Џилардино се враќа во Парма, клубот каде што стекна афирмација како напаѓач, но сега со задача да го води од тимот од клупата. Според информациите на Фабрицио Романо, двете страни постигнале договор и италијанскиот тренер веднаш ќе го преземе тимот, откако соработката со Карлос Куеста заврши пред неколку дена.

Промената следеше по пет кола од Серија А, во кои Парма освои четири бода и го зазема 15-то место на табелата. Куеста го напушти тимот со една победа, едно реми и три порази, но клубот како причина за заминувањето наведе несогласување околу понатамошниот развој на спортскиот проект. По разговорот со шпанскиот стручњак, двете страни заклучија дека нема услови за продолжување на соработката.

За Џилардино, враќањето на стадионот „Енио Тардини“ има посебно значење, бидејќи тој пристигна во Парма во 2002 година, по неговите први професионални чекори во Пјаченца и Верона, и токму во жолто-синиот дрес израсна во еден од најдобрите италијански напаѓачи.

По една сезона прилагодување, во следните две постигна 23 гола и го привлече вниманието на најголемите клубови со своите настапи. Навивачите се сетија и на неговата прослава со имагинарна виолина, како и на голот против Болоња во плејофот за опстанок.

Тренерско искуство стекна, меѓу другото, во Џенова и Пиза, а во Парма ќе се обиде да го подигне тимот по скромниот почеток на првенството.

Foto/ Depositphotos