пред 3 години Еден Азар нема да игра за Белгија на првиот натпревар, на Европското првенство. Играчот на Реал Мадрид, зад себе има сезона исполнета со повреди, поради што пропушти две третини од натпреварите на „кралскиот клуб“.
„На последната проверка пред ЕП, против Хрватска одиграв десет минути, толку можев да играм. Пред една недела започнав да тренирам. Ќе се консултирам со лекарскиот тим, тие ќе решат дали ќе можам да играм на првиот натпревар. Селекторот ќе реши дали почнам, но јас не сум 100 отсто подготвен“, рекол Азар.
Фудбалерот на Реал е свесен дека белгијската јавност многу очекува од ова ЕП. Белгија се наоѓа во најтесниот круг на фаворити за висок пласман.
„Секогаш кога играме за репрезентацијата чувствуваме притисок. Поради она што го направивме во минатото, луѓето сега очекуваат да бидеме уште подобри. Знам дека на Мундијалот пред три години остваривме голем успех. Ќе се обидеме да бидеме подобри од тоа, имам потенцијал“.
Белгија во првото коло на ЕП ќе игра против Русија во Санкт Петербург.
Би можело да ве интересира
Седлоски: Со една нога сме во следното коло, но ќе бидеме внимателни и во Гибралтар
Драма на Марсеј-Бордо – Калу колабираше на теренот
Челси ја одложија промоцијата на Манчестер сити – Алонсо им пресуди на „граѓаните“
Џани по триумфот над Лестер: Ќе има и други Македонци во Премиерлига
Рокада во Хернинг–Норвешка и го зема европското злато на Франција
Фиорентина прокоцка брзи 2-0, Каљари ги скроти „биковите“
